Улаанбаатар хот Хятадын “Yutong Bus” компаниас дахин 10 автобус худалдаж авчээ
Улаанбаатар хот өнгөрсөн онд БНХАУ-ын “Yutong Bus” компанид үйлдвэрлэсэн 600 том оврын автобусыг 165.5 тэрбум төгрөгөөр, их багтаамжийн 31 угсраа автобусыг 20 гаруй тэрбум төгрөгөөр худалдаж авсан.
Өнөөдрийн байдлаар өдөрт дунджаар 1,200 гаруй автобус нийтийн тээврийн үйлчилгээнд явж байгаа юм.
Тэгвэл Нийслэлийн Засаг даргын захирамжаар дахин 10 автобусыг Нийтийн тээврийн санд төвлөрсөн хөрөнгөөр худалдаж авчээ.
НЗДТГ-ын хэвлэлийн хэлтсээс мэдээлснээр БНХАУ-ын “Yutong Bus” компанид үйлдвэрлэсэн ZK6117H загварын 10 автобусыг хот орчмын чиглэлд үйлчилгээнд явуулах юм байна.
Тодруулбал “Чингис хаан” олон улсын нисэх онгоцны буудал, Багануур, Багахангай дүүрэг чиглэлд нийтийн тээврийн үйлчилгээнд ашиглахаар болжээ.
ZK6117H загварын шинэ автобус нь 45 хүний суудалтай, Евро-5 хөдөлгүүртэй. Манай орны цаг агаарт тохирсон агааржуулалтын систем, хяналтын камеруудтай байна.
Эдгээр автобусыг хэдэн төгрөгөөр авах тухай мэдээллийг тодруулж, хүргэх болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
