Пап Францис 88 насандаа таалал төгслөө
Гэгээн Ширээт Улсын тэргүүн Пап Францис 88 насандаа таалал төгслөө. Сүүлийн үед түүний эрүүл мэндийн байдал муудаж, хоёр уушгины хатгалгаа болон бөөрний дутагдлын улмаас 38 хоног эмнэлэгт хэвтэж байв.
Харамсалтай нь энэ сарын 20-нд буюу өчигдөр Улаан өндөгний баярын өдрийг тохиолдуулан Сэнт Питерийн талбайд олныг адисалснаасаа хойш 24 цаг хүрэхгүй хугацааны дараа буюу орон нутгийн цагаар дөрөвдүгээр сарын 21-ний 07:35 цагт таалал төгсжээ.
Пап Францис нь Аргентины Буэнос-Айрес хотод төрсөн. Тэрбээр 2013 онд латин америк гаралтай болон Иезуитын нийгэмлэгээс сонгогдсон анхны Пап болж байв.
Талийгаач өөрийн оршуулгын ёслолыг энгийн даруу байдлаар зохион байгуулахыг хүссэн гэж Ватиканаас мэдээлэв.
Гэгээн Францис 2023 оны наймдугаар сарын 31-нээс есдүгээр сарын 4-нийг дуустал Монгол Улсад айлчилсан анхны Ромын Пап юм. Ингэснээр католик шашны тэргүүн анх удаа Төв Азийн буддын уламжлалтай оронд айлчилсан нь түүх болж үлдлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
