Монгол Улсад хавсран суух Элчин сайд нар Итгэмжлэх жуух бичгээ өргөн барилаа
Гадаадын орнуудаас Монгол Улсад хавсран суух Элчин сайд нар Ерөнхийлөгч У.Хүрэлсүхэд Итгэмжлэх жуух бичгээ өргөн барилаа.
Энэ өдөр итгэмжлэх жуух бичгээ өргөн барьсан
- Камбожийн Хаант Улсаас хавсран суух Онц бөгөөд Бүрэн эрхт Элчин сайд Др.Ратчави Сүөнг
- Буркина Фасо Улсаас хавсран суух Онц бөгөөд Бүрэн эрхт Элчин сайд Даоуда Бити
- Бүгд Найрамдах Армени Улсаас хавсран суух Онц бөгөөд Бүрэн эрхт Элчин сайд Вахе Геворгян
- Бүгд Найрамдах Замби Улсаас хавсран суух Онц бөгөөд Бүрэн эрхт Элчин сайд Иван Зуулу
- Холбооны Бүгд Найрамдах Танзани Улсаас хавсран суух Онц бөгөөд Бүрэн эрхт Элчин сайд Хамис Омар
- Норвегийн Хаант Улсаас хавсран суух Онц бөгөөд Бүрэн эрхт Элчин сайд Вэбёрн Дюсвик
- Малайз Улсаас хавсран суух Онц бөгөөд Бүрэн эрхт Элчин сайд Дато Мухамад
- Бүгд Найрамдах Португал Улсаас хавсран суух Онц бөгөөд Бүрэн эрхт Элчин сайд Пауло Насименто
- Бүгд Найрамдах Колумб Улсаас хавсран суух Онц бөгөөд Бүрэн эрхт Элчин сайд Алехандро Родригез
- Ирланд Улсаас хавсран суух Онц бөгөөд Бүрэн эрхт Элчин сайд Николас О`Брейн
- Босни Херцоговин Улсаас хавсран суух Онц бөгөөд Бүрэн эрхт Элчин сайд Синиша Бериан нарт Ерөнхийлөгч У.Хүрэлсүх үүрэгт ажилдаа орж буйд нь баяр хүргэж, амжилт хүслээ.
Харилцаа, хамтын ажиллагааг бэхжүүлэхийн төлөө Элчин сайд нар чармайн ажиллана гэдэгт итгэлтэй байгаагаа хэлж, төр, засгаас бүх талын дэмжлэг үзүүлэхээ илэрхийлэв.
Түүнчлэн олон улсын хамтын нийгэмлэг, НҮБ болон олон улсын байгууллагын хүрээнд харилцааг бэхжүүлэхийн төлөө байгаагаа тэмдэглэлээ гэж Ерөнхийлөгчийн Тамгын Газраас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
