Олимпын гудамжны борооны ус зайлуулах шугамыг шинэчлэх ажил эхэлжээ
Сүхбаатар дүүргийн нэгдүгээр хорооны нутаг дэвсгэр, Олимпын гудамжинд борооны ус зайлуулах шугам сүлжээний засвар, шинэчлэлтийн ажил эхэлжээ.
Бороо орох тоолонд ус тогтдог долоон байршилд энэ онд 15 километр урт борооны ус зайлуулах шугам шинээр хийнэ. Тухайлбал Вокзал орчимд борооны ус зайлуулах 2,393 метр урт, Энхтайвны гүүрний доод талд 1,200 метр урт шугамыг тус тус угсарна.
Авто замын борооны ус зайлуулах шугам, сүлжээтэй болгох долоон байршил:
- Баянгол 4-р хороо, Төмөр замын вокзал орчим
- Баянгол дүүргийн 5-р хороо, “Алтай” хотхоны 14-р байр орчим
- Нарны гүүрний урд хэсэг буюу “Алтай” хотхоны автобусны буудал орчим
- Хан-Уул дүүргийн 15-р хороо, Энхтайвны гүүр доор
- Хан-Уул дүүргийн 3-р хороо, ТЭЦ 3 буюу ажилчны гудамж
- “Бөмбөгөр” худалдааны төвийн урд зам
- Чингисийн өргөн чөлөө буюу 120 мянгат орчимд борооны улирал эхлэхээс өмнө буюу тавдугаар сарын сүүлээр угсарч дуусгахаар төлөвлөжээ.
Эдгээр бүтээн байгуулалтыг "Геодези, Усны Барилга, Байгууламжийн Газар" ОНӨААТҮГ-ын инженер, техникийн ажилтнууд гүйцэтгэх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
