"Skypass - Events Travel Agency" компани Хонгконг хотод Coldplay хамтлагийн тоглолтыг дөрөвдүгээр сарын 10-14-ны хооронд аялуулна гэж 92 хүнийг авч явчхаад 25 хүний билет байна гэж тулгажээ. Тус компаниас энэ талаар лавлах гэсэн боловч мэдээлэл өгөхөөс татгалзав. Энэ талаар нэгэн иргэн цахим хуудаснаа бичсэн байна. Тэрбээр:

-Coldplay хамтлаг 2025 оны дэлхийн аялан тоглолт нь сүүлийнх нь гэдгийг мэдээд үзэх боломж бүрийг судалж байх үед Skypass компаний Хонг конг дах Coldplay-ын аяллын сурталчилгааг хараад шууд залгасан. Захирал Б.Нарангэрэлтэй очиж уулзаад гэрээгээ хийгээд төлбөр мөнгөө гэрээнд заасан хугацааны дагуу Баярсайхан овогтой Нарангэрэл болон түүний нөхөр гэгдэх Цогтсайхан овогтой Мөнхсайхан нар руу ном журмаар нь төлөөд 2025 оны 4/10-4/14-ны хооронд аялахаар боллоо. Хөтөлбөрийн дагуу бол бид 4/10нд очоод 4/11нд тоглолтоо үзэх байсан. Тоглолт болох өдөр стадион руу орох хүртэл бүх юм асуудалгүй байсан ч яг орох үед бид нийт орох ёстой 92 хүний биш 25 билеттэй гэдгээ мэдээд шокт орсон.

Хамгийн инээдтэй нь аяллын компаний зүгээс тэр 25 билетээр орох хүмүүсийн нэрсийг өөрсдөө дур мэдэн шийдээд, тэр хүмүүсээ тусад нь нэг групп болгочихсон байсан. Мэдээж бид нар энэ хүмүүсийг ямар шалтгаанаар сонгосон талаар асуусан ч олигтой тайлбар авч чадаагүй.

Тэр нэрсийг хүлээн зөвшөөрөхгүй ээ, өөрсдөө шударгаар сугалаа явуулъя гэхэд компанийн зүгээс үлдсэн хүмүүст маргаашийнх нь буюу 4/12-ны өдрийн билетүүдийг бэлдэж байна. Энэ 25 хүнийг оруулаад үзүүлчих ээ гээд гуйхад нь итгээд элдэв хэл ам бололгүй оруулсан. Мэдээж маргаашийн тоглолтын цаг болох хүртэл бүгд Skypass компаниас билетийн худалдан авах явц ямархуу байгааг асууж түгшсээр байсан ба үдээс хойш нь 65 билет нэмж аваад бүх хүнийх болсон гэж хэлсэн. Бүгд баярлаад очиход үнэндээ 19 билет л байсан. За тэгээд нөгөө Squid game маань эхэлж байгаа юмдаа. Бид бүгд л энэ тоглолтыг үзэх гэж мөнгөө төлөөд ирсэн хүмүүс байсан учраас байгаа 19 билетээ шударгаар сугалаад авахаар зохион байгуулалтад орлоо. За тэгээд 1-65-ийн хооронд дугаарлаад эхний 19 хүртэлх тоог сугалсан хүмүүс Skypass-ийн олсон 19 билетээр орох л болж байгаа юм л даа.

Үлдсэн нь ёстой өөрсдөө л учраа олсондоо. Шагийн билет олох нь олж, олоогүй нь уйлж, олсон ч хэт өндөр үнийг нь төлж чадалгүй зээл энд тэндээс авч, зээлээд ч авч чадалгүй үлдсэн залуус ч тэнд байсан.

Энэ хөгийн явдлаас болж эхнэр нөхрүүд, найз нөхдүүд хоорондоо муудалцах, найз бүсгүйдээ гэрлэх санал тавих гэж байсан залуугийн төлөвлөгөө бүтэлгүйтсэн. Тоглолтын цаг тулсан үед яарч яваад шатнаас унасан. Хосоороо яваа хүмүүсийн 1 нь билет сугалаад нөгөө нь билетгүй үлдэх үед зарим нь ганцаараа орж үзээд зарим нь өөр хүнд билетээ шилжүүлсэн. Өмнө нь 2 удаа Coldplay үзэх гээд fail-дсэн хүн 3 дах дээрээ ахиад fail-дсэн Сугалаанд хожиж тоглолтоо үзсэн нь тоглолт үзэж чадаагүй үлдсэн хүмүүсээ бодож нэг уйлаад, гоё үзээд гараад ирээрэй гээд 2 нүдэндээ нулимс цийлгэнүүлэн үлдсэн найзыгаа бодон бодон уйлаад, бүр огт орж чадаагүй ч найз, эхнэр, нөхөр нь сугалаанд багтсанд нь баярлан уйлсандаа.

Бид уг нь бөөндөө FANZONE-д бут авах байтал нөгөө сугалааны 19 билет нь тэнгэрийн тэнгэрийн суудал тэр чигтээ энд тэнд ганц нэгээр нь тараачихсан ойр хавьд дандаа хосоороо, найз нөхдөөрөө баярлан, догдлон үсэрч, дуулж байхад бид ганц ганцаараа.

Хөтөлбөрт байсан нэг өдрийн Disneyland-ийн аялал угаасаа хударсан -Хөтөлбөрт байгаа үзвэр үйлчилгээгээ авахын тулд дор хаяж 30 мин цаашлаад нэг цаг хүлээх бол энүүхэнд. За бүр болоогүй бид нарыг даатгалд хамруулсан гэж гэрээн дээр байхаар нь хонгилын үзүүрт гэрэл юм биш биз дээ гээд шалгатал юун даатгал. Огт даатгуулаагүй байсан байвал яах ууу. Энэ бүх асуудал дээр нэмэгдээд зочид буудлын асуудал нэмэгдэнэ гээд л бод.

Зочид буудлын төлбөрийг бүрэн төлсөн байгаа гэж бодсон чинь ганц өдрийн л тооцоог нь хийчихсэн байсан. Уул нь 2025.02.01нд бүх төлбөр тооцоогоо хийчихсэн хүмүүс 4/10нд очоод байгаа шүү дээ. За тэгээд буудлын төлбөр бүрэн төлөөгүй шалтгаанаар Skypass-ийн хөлсөлж авсан 2 хөтөч ээлж ээлжээрээ буудалд барьцаанд үлдэж үлдсэн нэг хөтөч нь ганцаараа 90 гаруй хүн хариуцаж хөтөлбөрийн дагуух юмнуудаа үзүүлж харуулах гээд явж байгаа юм. Сүүлдээ аялагч нар нь сайн дураараа дундаасаа нөгөө ганц хөтөчдөө туслах гээд өөрсдөө хөтөч хийсэн. Хэрвээ энэ компани бид нараас төлбөр мөнгөө цаг тухайд нь авсан шигээ хийх ёстой ажлаа асуудалгүй хийчихсэн бол, за хийхгүй юмаа гэхэд зүгээр үнэнээ хэлээд билет хөтөлбөр байхгүй шүү гээд хэлчихсэн бол энэ бүх хөгийн явдал болохгүй байх байсан юмдаа. Түүх биш луйвар бүтээсэнг нь бодохоор л гомдоод байх юм. Дахин НЭГ Ч МОНГОЛ ХҮН ийм хөгийн мэдрэмж битгий аваасай гэсэндээ 50 гаруй залуус бид нэгдэн хэлэлцэж эцсээ хүртэл шүүх цагдаа, хэвлэл мэдээлэл гээд байх боломжтой бүх газруудаар явж дуу хоолойгоо хүргэхээр шийдлээ. Энэ хүртэл уншсанд талархан баярлалаа, ойр тойрныхондоо чадахаараа түгээгээд өгөөрэй" гэжээ.