Anuxai’s fitness show нэвтрүүлгийн 2 дахь дугаарт дуучин, МУСТА Г.Эрдэнэтунгалаг оролцож байгаа. Тэрбээр " Илүүдэл жин сэтгэлзүйгээс гадна хүний сонголтуудад нөлөөлж эхэлдэг. Илүүдэл жингээс болоод сонголтууд дандаа буруу гардаг. Тэр хэрээр яг л машин шаварт суусан мэт амьдрал нь тэр чигтээ шаварт суучихсан юм шиг мэдрэмжийг өгдөг. Түүнээс гарах хамгийн том гарц бол зориглох. Хэдий би нийтийн дуу дуулдаг ч гэсэн дотор хүн минь өөр жанрын дуу дуулмаар байдаг. Гэтэл энэ цулцгар гэдэс, гүзээ тийм зүйлийг хийхэд надад хамгийн том тушаа болдог. Тийм болохоор би өөрийнхөө хүссэн галбирт хүрч үзээгүй учраас биеийн минь дуртай хэсэг гэвэл хоолойноос өөр байхгүй. Тиймээс энэ шоунд оролцож байна " гэв.