“Icetop” хамтлагийн гишүүн Б.Оргил-Эрдэнэ дөрөвдүгээр сарын 6-наас хойш өнөөдрийг хүртэл холбоо тасарсан талаар түүний дүү Б.Од-Эрдэнэ мэдээлсэн билээ. Тэгвэл энэ талаар Гадаад харилцааны сайд Б.Батцэцэг "Бид иргэн бүрийнхээ араас хөөцөлддөг. Бидэнд хандсан даруйд Тайландаас хавсардаг Малайз улсад манай элчин сайдын яам байдаггүй. Тиймээс Тайланд улстай хамтарч ажиллаж байна. Тайландын Элчин сайдын яам бүх хууль хяналтын байгууллага, эмнэлэг гээд сураглаж болох бүх газруудад хүсэлтээ тавиад хайж байна. Өнөөдөр өглөөний байдлаар консулын мэдээг аваагүй байна, ордонд өнжиж байгаа учраас. Хариу сураг ирсэн эсэхийг хэлж мэдэхгүй байна. Ийм тохиолдлууд их гардаг л даа. Хэвлэлээр мэдэгдэж байгаа нь энэ болохоос. 230 гаруй мянган Монгол иргэн гадаадад амьдарч байна. Янз бүрийн хэрэгт орооцолдоно. Алга болно. Амь эрсэднэ. Өвчин зовлонд нэрвэгдэнэ. Янз бүрийн хүнд нөхцөлд орно. Бид эдгээр мэдээллүүдийг авдаг. Гэхдээ энэ бүгдийг хэвлэлээр мэдээлдэггүй" гэлээ.