“Icetop” хамтлагийн гишүүн Б.Оргил-Эрдэнийн мансуурсан байж болзошгүй бичлэг цахим орчинд цацагдснаас хойш холбоо тасраад найм хоног өнгөрч буй талаар түүний дүү Б.Од-Эрдэнэ хэдхэн хоногийн өмнө мэдээлсэн билээ. Харин тэрбээр өнөөдөр "Хүний наймаа бололтой. Яаралтай Малайз хэл мэддэг хүн надруу залгаад өгөөч! Please Би цагдаа дээр нь байна" хэмээн цахим хуудастаа нийтлээд байна.

Энэ талаар Гадаад харилцааны яамнаас тодруулахад “Icetop” хамтлагийн гишүүн Б.Оргил-Эрдэнийн талаарх мэдээлэл манай яаманд ирсэн. Дүү Б.Од-Эрдэнэ нь энэ сарын 14-нд яаманд биечлэн ирж хүсэлтээ өгсөн. Монгол Улсын иргэд Малайз Улсад 30 хүртэлх хоногийн хугацаанд визгүй зорчдог. Одоогоор Б.Оргил-Эрдэнэ нь визийн хугацаа хэтрүүлсэн болон хохирсон гэх мэдээлэл одоогоор алга” гэлээ.

Тэгвэл яамны зүгээс Монгол Улсын иргэн Малайзад сураггүй алга болсон бол ямар арга хэмжээ авч хэрхэн анхаарч буй талаар лавлахад "Тайландад байгаа Элчин сайдын яамаар дамжуулан Малайзын цагдаа, эмнэлгийн байгууллагуудад албан ёсоор тухайн иргэнийхээ мэдээллийг өгч хүсэлтээ гаргасан. Одоогоор Малайзын талаас хариу ирүүлээгүй байна ” гэв