EBARIMT: Өчигдрийн 13:30 цагаас системийн хандалт доголдсон. Хэвийн болгохоор ажиллаж байна
Цахим төлбөрийн баримтын систем буюу eBarimt-д гэмтэл гарсны улмаас 2025 оны дөрөвдүгээр сарын 16-ны өдрийн 13:30 цагаас эхлэн системийн хандалт доголдоод байна.
Мөн eBarimt-аар хийгддэг татвар, хураамж, шимтгэл төлөх зэрэг бүх үйлчилгээ ажиллахгүй болсон. Үүсээд буй энэхүү асуудлыг шийдэхийн тулд инженер, техникийн баг яаралтай арга хэмжээ авч, хэвийн болгохоор ажиллаж байгаа аж.
Түүнчлэн 2025 оны дөрөвдүгээр сарын 16-ны сугалааны тохирол амжилттай зохион байгуулагдсан бөгөөд азтан болсон иргэдийн урамшуулал журамд заагдсан хугацаанд олгогдоно гэдгийг Цахим төлбөрийн баримтын системийн албан ёсны хуудаст мэдээлжээ.
Мөн систем доголдсоноос улбаатай хүндрэл чирэгдэл гарч буйд хүлцэл өчсөн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
