Энэ сарын 24-нд төв талбайн асарт “Нүүдэл-999” шатрын тэмцээнтэй

Гэрэл зургийг MPA агентлагийн онцгой зөвшөөрөлтэйгөөр ашиглав

“Нүүдэл-999” шатрын анхдугаар тэмцээнийг дөрөвдүгээр сарын 24-ний өдөр 09:00-18:00 цагийн хооронд Сүхбаатарын талбайн асарт зохион байгуулахаар болжээ.

Тэмцээний бүртгэл дөрөвдүгээр сарын 23-ны 15:00 цаг хүртэл Баянгол дүүргийн спорт хорооны байранд үргэлжилж байгаа бөгөөд өнөөдрийн байдлаар тус тэмцээнд оролцохоор 500 орчим шатарчин бүртгүүлсэн байна.

НЗДТГ, “Түшээ Бэрс” төрийн бус байгууллага хамтран тэмцээнийг зохион байгуулна. Шатрын тэмцээний шагналын сан 10 сая төгрөг байна.

“Нүүдэл-999” нээлттэй тэмцээний ангилал:

Өсвөрийн шатарчид:

• 7-8 нас
• 9-10 нас
• 11-12 нас
• 13-14 нас
• 15-16 нас

Насанд хүрэгчид:

• А зэрэглэл - 2,100-аас дээш 
• В зэрэглэл - 1,700-2,099 хүртэлх 
• С зэрэглэл - 0-1,699 хүртэлх рейтингтэй.

Шагнал:

А ангилал

1-р байр Алтан медаль, өргөмжлөл, 2,000,000 төгрөг

2-р байр Мөнгөн медаль, өргөмжлөл, 1,500,000 төгрөг

3-р байр Хүрэл медаль, өргөмжлөл, 1,000,000 төгрөг

4-р байр өргөмжлөл, 500,000 төгрөг

5-р байр өргөмжлөл, 500,000 төгрөг

В, С ангилал

1-р байр Алтан медаль, өргөмжлөл, 1,500,000 төгрөг

2-р байр Мөнгөн медаль, өргөмжлөл, 1,000,000 төгрөг

3-р байр Хүрэл медаль, өргөмжлөл, 800,000 төгрөг

4-р байр өргөмжлөл, 400,000 төгрөг

5-р байр өргөмжлөл, 400,000 төгрөг

6-10-р байр тус бүр өргөмжлөл, 100,000 төгрөг

Хүүхэд ангилал тус бүр

1-р байр Алтан медаль, өргөмжлөл, 300,000 төгрөг

2-р байр Мөнгөн медаль, өргөмжлөл, 200,000 төгрөг

3-р байр Хүрэл медаль, өргөмжлөл, 150,000 төгрөг

4-р байр өргөмжлөл, 100,000 төгрөг

5-р байр өргөмжлөл, 100,000 төгрөг

6-10-р байр тус бүр өргөмжлөл, 50,000 төгрөгөөр шагнана гэж НЗДТГ-ын хэвлэл мэдээлэл, олон нийттэй харилцах хэлтсээс мэдээлэв.

Төв талбайд барьсан асарт хамгийн анх Узбек, Монгол хоолны өдөрлөг зохион байгуулагдсан бол дөрөвдүгээр сарын 22-ныг дуустал монгол циркчид тоглолтоо үнэ төлбөргүй үзүүлж байгаа бол дараагийн арга хэмжээ нь шатрын тэмцээн болох нь.