УИХ-аар шүүхийн тухай хуульд өөрчлөлт оруулах хуулийн төслийг хэлэлцэж баталлаа. Энэ үеэр УИХ-ын гишүүн Х.Тэмүүжин "Хариуцлага тооцох болохоор албан тушаалтныг манай нам юм, манай нутаг юм гэж толгойг нь илээд гаргадаг улс төрийн буруу практик өөгшүүлж байна. Бид энэ завхралыг засах ёстой. Хууль зөрчсөн албан тушаалтанд хариуцлага тооцдог болохгүй бол хэл ам дарагдсаны дараа би буцаад ажилдаа оръё гэдэг асуудал цаашид гарч магадгүй" гэв.