Алдарт Уильям Шекспирийн "Ромео Жульетта" сонгодог драмын жүжгийг Улсын Хүүхэд Залуучуудын театр ирэх 5-р сарын 9-нөөс эхлэн тайзнаа тавих гэж байгаа аж. Анх 1966 онд Хүүхэд залуучуудын театр эх орондоо "Ромео Жульетта хоёр" сонгодог драмын жүжгийг толилуулж байсан бол ийнхүү төрөлх театрынхаа тайзнаа 59 жилийн дараа уг жүжгийг дахин амилуулах юм.

Жүжгийн Ерөнхий найруулагчаар МУСТА Б.Энхээ ажиллажээ. Харин жүжгийн гол дүр болох Ромео-д залуу жүжигчин Б.Түвшинбаяр, Жульетта-д залуу жүжигчин М.Батгэрэл нар тоглох аж.