2023 оны аравдугаар сард Нийтийн цахим өргөдлийн “D-ӨРГӨДӨЛ” платформыг олон нийтэд танилцуулж, хэрэглээнд нэвтрүүлсэн байдаг. Үүнээс хойш “ХХОАТ, НДШ-ийг 50 хувиар бууруулах”, “ЦАЛИНТАЙ ЭЭЖ”-ийн гэгддэг 50 мянган төгрөгийг нэмэгдүүлэх, утааны сонсгол хийх зэрэг олон санаачилга 100 мянгад хүрсэн байдаг. Тэгвэл иргэд тус системд олон талын өргөдлийг бий болгох болжээ. Тухайлбал, иргэн Д.Тэнгисийн зүгээс "ЧИНГИС ХААНЫ НЭР, ДҮРИЙГ АРХИ, СОГТУУРУУЛАХ УНДАА БОЛОН БУСАД БАРАА БҮТЭЭГДЭХҮҮНИЙ МАРКЕТИНГ, ХУДАЛДАА, ҮЙЛЧИЛГЭЭНИЙ ЗОРИЛГООР АШИГЛАХЫГ ХОРИГЛОХ ТУХАЙ" өргөдлийг санаачлан, гарын үсэг цуглуулж байна.

Тус өргөдлийн агуулгаа "Чингис хаан бол Монголын төр, ёс заншил, эв нэгдлийн бэлгэ тэмдэг бөгөөд түүний нэрийг бизнесийн зорилгоор, тэр дундаа согтууруулах ундаанд ашиглах нь түүх, соёлоо гутаан доромжилсон үйлдэл юм. Иймд Монгол Улсын Их Хурал энэхүү асуудалд онцгой анхаарал хандуулж, Чингис хааны нэр, дүрийг согтууруулах ундаа болон бусад зохисгүй бүтээгдэхүүн, үйлчилгээний сурталчилгаа, брэндинг, худалдааны зорилгоор ашиглахыг хуулиар хориглох эрх зүйн орчныг бүрдүүлэхийг хүсэн, холбогдох хуулийн төсөл санаачлан баталж өгнө үү хэмээн өргөдөл гаргав" гэж тайлбарлажээ.

Тэрбээр эл өргөдлөө өнгөрөгч гуравдугаар сарын 25-нд үүсгэсэн бөгөөд одоогийн байдлаар 9439 хүн дэмжиж сгарын үсгээ зураад байна.